بقلم :ياسمين إبراهيم
اسمي زياد وأختي زينة، ذهبنا مع أبي أمي في رحلة إلى الإسكندرية، وبدأ بابا يقول: تعرف يازياد وأنتي يازينة، إحنا ليه روحنا إسكندرية؟، أكيد يابابا علشان جميلة، رد الأب وقال الإسكندرية ياأحبابي هي عروس البحر المتوسط، إستغرب الأطفال من كلام الأب، فضحك الأب وقال: تقع مدينة الإسكندرية على ساحل البحر الأبيض المتوسط، أسسها الإسكندر الأكبر كمدينة يونانية، طب يابابا إحنا هنروح فين في اسكندرية؟
تحبوا نبدأ الرحلة منين؟
يعني عمود السواري، ولا المتحف الروماني، ولا قلعة قايتباي، ولا المسرح الروماني، ولا نروح الشط.
ردت زينة وقالت: إيه الأماكن الجميلة دي كلها، رد الأب وقال: هقولكم تاريخ الأماكن دي، عمود السواري من أشهر المعالم الأثرية في الإسكندرية، وكمان فيه تمثالان مشابهان لأبو الهول.
وقلعة قايتباي موجودة في منطقة بحري، وتم إنشاءها في الموقع القديم لفنار الإسكندرية.
والمسرح الروماني موجود في منطقة كوم الدكة، والمسرح عبارة عن مدرج على شكل حرف U، ويتكون من ١٣ صف، والمكان ده بيتم إستخدامه كصالة لسماع الموسيقى.
طب يابابا هنروح أي مكان فيهم ولا هنروح أي شط؟، رد الأب وقال تحبوا نروح شط المعمورة ولاجليم؟.
يابابا من كتر الأماكن الجميلة مش عارفين نروح فين ولا فين، رد الأب وقال: وكمان لسه فاضل قصر رأس التين، والمنتزه، وكمان مكتبة إسكندرية، وكمان هنصلي مسجد المرسى أبو العباس، عرفتهم ليه أنا قولت هنسافر إسكندرية، علشان المناظر الجميلة والأماكن الآثية دي كلها، رد الأطفال وقالوا واضح يابابا إن إسكندرية مدينة جميلة وعريقة وأكيد هنتفسح ونهستفيد معلومات كتيرة ومهمة في رحلتنا.
