يقدمه المذيع أحمد إيهاب، في رمضان يوم الثلاثاء من كل اسبوع من الساعة 10 إلي الساعة 11 مساءً.
في شهر رمضان دايما بيبقي فيه أحداث كتيره بتحصل معانا كل يوم واحنا راجعين من الشغل صايمين وتعبانين، والحر مفرهدنا ومخنوقين، وبنبقي عاوزين حاجه تخلينا نفصل عن كل الصداع والدوشة بتاعت اليوم كله وبالذات فرهده الصبح والواحد صايم، في برنامج يلا بينا نفصل، هنفصل مع بعض بالمواضيع المهمه الخفيفة علي القلب الخاصة برمضان، والضحك واللعب، دايما مع بعض، مواضعنا دايما جديدة ومتنوعة من تعليم لعادات وتقاليد لبعض التصرفات اللي بتخلينا مش فاهمين ده صح ولا غلط، ولا إيه اللي بيحصل بالظبط؟!
خصوصا في شهر رمضان الكريم اللي بيبقي مليان مواقف كتيرة منها اللي بنعرف نتعامل معاه ومنها اللي عمرنا ما عدي علينا ومبنعرفش نتصرف فيه ونبقي مش عارفين ده صح ولا غلط التصرف ده، بس الحمد لله انه عدي، وده أكيد شئ في حد ذاته يدعو إلي اننا نخلق جو كله ضحك ولعب وهزار في ليل رمضان علشان نفصل من كل حاجه ونرجع نملئ روحنا بطاقة إيجابية جديدة.
برنامجنا يلا بينا نفصل، دايماً هنفصل معاه من كل حاجه حوالينا ونعيش معاه وبس في كل حكاياته ومواضيعه التي لا تنتهي، وبناقشتها ونستقبل كل المكالمات التليفونية من المستمعين ومشاركته الآرائهم علي مواقع التواصل الإجتماعي الفيسبوك والانستجرام.
