كلاسيك

تقدمه المذيعة فرحة وليد، يوم السبت من كل اسبوع من الساعة 3 إلي الساعة 4 مساءً.

برنامجنا بيحكي ويناقش كل ماهو قديم من تصرفات وأفعال وسلوك وأسلوب تربية للرجال والنساء، قد إيه كان زمان جميل بكل حاجة فيه، زمان كانت كل حاجة صح، أو مش كلها ع الأقل أغلبها، كله كان عايش في حالة حلوة أوي من الهدوء والأمان، كله كان بيحب بعض، كان بيتي هو بيتك وعيالك هما عيالي ومفيش بينا فرق، مفيش تنمر ومفيش أذى أو شر، مننكرش ان دلوقتي بردو فيه حاجات حلوة.. صحيح مش زي زمان بس أهي حلوة وبنعيشها..

دلوقتي فيه حاجات كتيرة ومزايا جديده علينا، فينا اللي بيستخدمها صح ومنا اللي بيسئ إستخدامها، زي السوشيال ميديا وفسح زمان اللي كان فيها روح غير دلوقتي خالص، كان لما تخرج انت وعيلتك محدش يعرف انت فين لحد ما ترجعو، ولو ايه حصل انت مستمتع بخروجتك للنهاية ودي كانت ميزة من مزايا زمان، ولكن بردو دلوقتي حلو في انك لو محتاج حد وانت في اي مكان تلاقيه وتقدر توصلو بسهوله، وبرنامجنا كلاسيك، هيحكي وهيعيش معانا في زمان ودلوقتي في كل حاجه حوالينا وهنعيش معاه في كل حكاياته ومواضيعه التي لا تنتهي، والتي يتم مناقشتها واستقبال المكالمات التليفونيه من المستمعين ومشاركتهم الآراء.