بقلم :ياسمين إبراهيم
أعلنت المدرسة عن رحلة إلى وادي الريان، اشترك التلاميذ، وبدأت الرحلة، وبدأ المعلم يقول: رحلتنا إلى “وادي الريان” حد منكم يعرف فين محمية وادي الريان؟
ردت سلمي وقالت: في محافظة الفيوم ضحك أحمد، وكمان ضحكت مني، وسأل زياد، وقال فيوم، ووادي الريان، احنا فاكرين اننا رايحين نلعب رد المعلم وقال: طب ما احنا هنلعب، وكمان هنعرف معلومات عن وادي الريان.
وأول ماوصل التلاميذ إنبهرالجميع من جمال المنظرالخلاب، فضحك المعلم وتعجب من دهشة التلاميذ، وبدأ المعلم يقول: ايه يازياد ايه يا منى ايه يا أحمد مش هنلعب، ردت التلاميذ: وقالت لا لأ.. مش عايزين نلعب، عايزين نعرف تاريخ المكان الجميل ده، رد المعلم وقال: وادي الريان محمية طبيعية طب عارفين يعني ايه محمية؟.
رد التلاميذ: لا يا مستر، رد المعلم: مكان مخصص من هيئة معينة فيه نباتات وحيوانات مهددة بالإنقراض، وتقع محمية وادي الريان في الجزء الجنوبي الغربي لمحافظة الفيوم، وبيتكون وادي الريان من البحيرة العليا والبحيرة السفلى ومنطقة الشلالات التي تصل بين البحيرتين، وكمان من مميزات وادي الريان أنه فيه كثبان رملية، وحياة نباتية، وحيوانات متنوعة.
ومن أهم هذه الحيوانات الغزال الأبيض والغزال المصري، وكمان ثعلب الفنك وثعلب الرمل والذئب، وكمان أنواع من الصقور، ففرح التلاميذ كثيراً، وبدأ كل واحد منهم يأخد صورة في كل مكان، وطلب المعلم من التلاميذ الحفاظ على المكان، وشكر التلاميذ المعلم على المعلومات الجميلة، ورجع الجميع من الرحلة فرحانين.
