بقلم: ياسمين إبراهيم
مريم طفلة جميلة وذكية، كانت دايما بتذاكر مع جدها أحمد، وكانت بتحب تسمع منه الحكايات الجميلة اللي بيحكيها ليها وتتعلم منه معلومات مفيدة.
وفي يوم من الأيام مريم سألت جدها أحمد وهي بتذاكر، ياجدو هل تعرف مامعنى التعاون؟، ضحك الجَد، وقال يامريم هحكي ليكي حكاية عن التعاون وأنت بعد الحكاية اللي هتعرفي معنى التعاون.
وبدأ الجَد يحكي ويقول في يوم ما كان في نملة ماشية وسط الجبال، وحاولت تشيل وتسحب الطعام، بس مش عارفه تشيل الطعام لوحدها، علشان تقيل فضلت النملة تنادي على أختها علشان تشيل معها، لكن اختها مش عارفة تشيل معها برضوا، فكرت النملة شوية وفضلت تنادي على باقي اخواتها، علشان يشيلوا معاهم، وفعلاً شالوا الطعام بالحبال ورجعوا سعداء، ومن ساعتها النمل بقى متعاون في جمع الطعام.
عرفتى بقى يامريم يعني ايه تعاون؟!، فهمت ياجدو التعاون، يعني كل واحد فينا يقدم المساعدة للمحتاج،وبالذات لو يقدر يساعده زي النمل، وزي جدو أحمد ومساعدته ليا بحكاياته المسلية.
