بقلم :ياسمين إبراهيم
عم سعيد، رجل كريم يحبه الصغير والكبير، عم سعيد يعمل طاهي، ويحب مساعدة الناس، مشهور بالطاهي السعيد دايماً بيضحك مع الكبير والصغير، وكمان كان بيعمل أحلى الأكلات.
وفي يوم خرج التلاميذ من المدرسة، وكان عم سعيد بيبع أكلات للتلاميذ، وفجأة شاف طفل حزين بيعيط واقف بعيد ويراقب الأكلات من بعيد، مشي إليه وسأله مالك مضايق ليه؟
رد الطفل عليه أنا كل يوم بشوف الأطفال بتأكل من عندك، وأنا مش معايا فلوس أجيب زيهم، علشان بابا متوفي، فقام عم سعيد أخده من يده وقاله نفسك تاكل انهي صنف، وبدأ الطفل يختار وياكل اللي هو عايزه، وفعلا الطفل حب عم سعيد جداً.
وفي يوم تعب عم سعيد ومرض، وعلم الأطفال بمرضه علشان غاب اليوم ومش واقف مكانه زي كل يوم، ففكر الطفل أنه يروح يزورو، وراح معاه أصحابه واشترك الجميع في هدية لعم سعيد، فرح عم سعيد بزيارتهم، وشكرهم ورجع لشغله وفضل يساعد الناس وزادت محبة الناس لعم سعيد.
