بقلم :ياسمين إبراهيم
في يوم مشمس وجميل، إجتمعت فيه كل الحيوانات، وفكرو في إقامة مباراة لكرة القدم، وإشترك فيها الأرنب ارنوب والقرد والغزال والأسد وكمان الزرافة والبقرة، وفكر الفيل يقسم الحيوانات إلى فريقين، فريق الأرنب والقرد والأسد، وفريق الغزال والزرافة والبقرة.
وفجأة طلب الدب أنه يلعب معاهم، لكن كل الحيوانات رفضت، وده علشان هو ضخم الحجم، وقالوا للدب أنت حيوان ضحم ومش هنعرف نلعب منك، وكمان مش هتعرف تجري زينا، إتضايق الدب من كلامهم كان جارح وقاس عليه، لأن حجمه ده شئ مش بإيده ودي طبيعته،
وبدأت المباراة وكان الدب واقف من بعيد بيتابع المباراة، وفجأة فريق الأسد فاز بهدف واحد في الشوط الأول، وبدأ الشوط الثاني ولكن حصلت حاجه غريبة جداً ومفاجأة للجميع، الثعلب بدأ يقرب عليهم وهم بيلعبوا، بدأ الدب يأخد باله وفكر ياترى ازاي هساعدهم؟، وفعلا الدب كان معاه صفارة، وأول ما عمل الدب صوت بالصفارة، بدأت الحيوانات تأخد بالها من خطر الثعلب المكار، ولكن عندما سمع الثعلب صوت الصفارة هرب وجري بعيد، وجاءت كل الحيوانات إعتذرت للدب، وطلبوا منه أنه يلعب معاهم، ففرح الدب كثيراً، وعادت الحيوانات للمباراة.
